चलनातून बाद झालेल्या एक हजारांच्या २ हजार ३०० नोटांसह मुंबईतील एका शिक्षकाला ठाणे गुन्हे शाखेने (युनिट १) ताब्यात घेतले होते. तर मंगळवारी रात्री भिवंडीतून एक हजाराच्या आठ हजार तर ५००च्या चार हजार अशा एक कोटीच्या नोटा जप्त करण्यात आल्या.
या प्रकरणांत शिक्षक आणि इतर दोघांविरुद्ध वर्तकनगर पोलिस ठाण्यात गुन्हा अदखलपात्र गुन्ह्याची नोंद करण्यात आली आहे.
मुंबईतील साकीनाका परिसरात राहणाऱ्या या शिक्षकाकडे एक हजाराच्या २ हजार ३०० नोटा मिळाल्या. एकूण २३ लाखांच्या या नोटा आहेत. शिक्षकाचा जबाब नोंदवला असून हा शिक्षक खासगी क्लासमध्ये शिकवत असल्याची माहिती पोलिस उप निरीक्षक दत्तात्रय सरक यांनी दिली. शिक्षकाला अटक करण्यात आले नाही. चौकशी करून सोडून दिले असून नंतर या शिक्षकाला चौकशीसाठी बोलावले जाईल, अशी माहिती सरक यांनी दिली.
